مع كل اول ضحكه لطفل صغير بتتولد جنيه " جمله من كارتون تنه و رنه " .. هي الجمله مش كلها خيال و كلام اطفال .. لان مع كل اول ضحكه لطفل صغير بتوولد جوانا احنا الجنيه دي جنيه الحب اللي بيخطف قلبك لضحكه طفل صغير بريء .. باله صافي و قلبه ابيض و اطهر من اللبن الحليب .. كل اللي بيفهمه انك لو ابتسمتله يعني بتحبه .. فيجري عليك يحضنك و يبوسك .. لو ضحكت معاه يبقي يعمل اللي عمله تاني علشان دي عجبتك و هو بيحب اللي حواليه يبقوا مبسوطين زيه و معاه .. لو جري تقوم تجري وراه .. تحاول تمسكه يجري منك و دي اقصي انبساط انك معرفتش تمسكه و هو شطور علشان بيعرف يهرب منك .. لما بياكل اي حاجه بيمد لك ايده علشان يديك من اللي بياكل منه وهو مش فاهم اداب الاتيكيت .. هو عشان بيحبك عاوز يشركك معاه الحاجه الحلوه اللي بياكلها .. بيسمع كلامك مش علشان خايف منك لكن علشان تبقي مبسوط منه .. تكفيه بسمتك رغم ان ملهاش تمن .. بيحب يلعب و يلعب معاه صحابه علشان ميبقاش لوحده .. بياخد حساب علشان يتعلم مش علشان يحسبها بالورقه والقلم .. بياخد حروف و كلمات علشان يتعلم و لما يكبر يبقي مثقف .. مش علشان ينمق الكلام اللي حيضحك بيه علي الناس و يجرحهم ..
عرفت النهارده عالم نقي .. عالم افتقد الحياه فيه سنوات طويله من يوم مخرجت من الحضانه .. رغم اني بتعامل بيه مع الناس لكن الناس نسيت ان في ناس كده .. حتي اطفلهم بيتعملوا معاهم علي ان ده سن "عبيط" و حيعدي .. ميعرفوش ان النقاء ده اطهر حاجه علي الارض .. سبحان الله بحكمته " ان الانسان لو مات وهو طفل بيدخل الجنه "
حقيقي اطهر مخلوقات ..
ليست هناك تعليقات:
إرسال تعليق