إلي كل الحموات

الي حماتي مستقبلا .. انا اسفة بصراحة يا طنط ان ابنك حبني .. و حس انه بيستريحلي .. اسفة يا طنط انه اختارني و اختار انه يجي يخطبني .. اسفة يا طنط انه موافق بابا علي كل حاجة بيقوله عليها عشان هو شاريني .. و هو كمان اسف يا طنط انه عاوز يستقر و يبني بيت بصراحة مش عارفة اقولك ايه يا طنط بس معلش انا خطيبتة فانا و بعد اذنك اللي حقعد جنية في الكوشة .. و انا اللي حتلبس الدبلة مش حضرتك طنط انا اللي حخرج معاه اصل انا اللي لسة خاطبها امبارح طنط هو و بعد اذنك حيجبلي هدية اصله عاوز يفرحني .. اصل ابنك دا طيب قوي بس هو خايف يزعلك .. طنط ممكن متقارنيش نفسك بيا .. اصل يا طنط انت حاجة و انا حاجة .. انت امه و حماتي و فمقام امي علي عيني و راسي بس انا خطيبتة و كمان كام شهر حبقي مراتة .. معلش يا طنط لو فيها رزالة عاوزين ننزل ننقي العفش اللي حنقعد علية و ننام و نقوم علية .. و اللي حنفضل شايفينة فةشنا ليل و نهار .. تعالي ادينا رايك ..بس متفرضيش علينا عفشنا .. اصل احنا اللي حنتدبس فية باقي العمر بعد اذنك يا طنط حنختار اغاني الفرح و الرقصات وورد القاعة و الكوشة و البدلة و الفستان بس لو تحبي تيجي معانا اتفضلي بس افضل اكون انا و هو لوحدنا .. اصلنا بنحلم باليوم ده طنط انا اسفة بكرة فرحنا .. اسفين احنا حنروح بيتنا مش بيتكم .. حيتقفل علينا باب واحد انا و هو .. حيقوم من النوم مش حيشوف غيري قدامة انا اللي حيقلها صباح الخير .. و انا اللي ححضرله الفطار .. وانا اللي حيرجع من الشغل ملهوف يشوفها .. وانا اللي حيولع لها الشمع عشان يتعشي معاها في جو رومانسي والله يا طنط حنزوك بعد الجواز و نبات معاكي لو حبيتي .. بس سبينا نتعود علي بعض و نتعود علي المسؤلية من غير اهلينا .. ما انا ماما و بابا قلولي اني دلوقتي بقيت مسئوله عن بيت و زوج و بيت مروحوش معايا يعني مع اني البنت الضعيفة اللي عايشة فحضن مامتها و باباها و مدلعة .. بس هما خلاص عرفوا ان دي سن الحياة امتي يااااااااا طنط حتعرفي ان جواز ابنك سنة الحيااااااااااااااااااااااااااااااااااه إلي كل ام فاكرة انها جابت لنا هيروووووو والله الرجالة زي الفل من غير ماما :D :D